Urgeljiin Blog

2016 оны 11 сарын 3, 21:47 минут. Цаг ч орой болж. Шөнө оройн цагаар хүн энгийн үед байхаасаа илүү романтик болж, бодол санаа нь илүү уран сайханч талруугаа хэлбийдэг тухай хаа нэгтээгээс сонсож байсан юм байна. Жишээ нь шүлэг бичдэг хүмүүст онгод нь ордог, хайр дурлалдаа шатаж яваа залууд эмэгтэйдээ өөрийгөө илэрхийлэх зориг ордог ч юмуу. Үүнтэй адилхан ойрын өдрүүдэд миний толгойд эргэлдсэн, би өөрөө эргэцүүлсэн, гайхсан, аргаа барсан гэмээр баргар бодлуудаа блогтоо буулгая хэмээн бодлоо. Би ингэхэд юуны төлөө, яаж амьдраад байгаа юм бэ? Хөөе байзаарай, мэдээж хэн хүнгүй л чи сайхан амьдралын төлөө, өөрийнхөө сайн сайхны төлөө амьдарч байгаа бус уу хэмээн хариулахыг би мэдэж байна. Гэхдээ би хараал идсэн өөрт тохиолдоод буй гунигт явдлын талаар бичиж байгаа гэдгийг ойлгоорой. Би ч гэсэн өөрийн ирээдүйн сайн сайхан амьдралын төлөө амьдарч байгаа мэт боловч миний 7 хоногийн 5 өдөр, 5 өдөрт тус бүртээ дунджаар 10 цаг зарцуулж буй АЖИЛ надад хэр үр өгөөжөө өгч байна вэ? Би ...

Олон жилийн өмнөх дуунуудыг сонсох үед заримдаа цаг хугацаагаар аялах шиг болдог. Хамгийн сүүлд санамсаргүй байдлаар "илрүүлсэн" бөгөөд надад сэтгэгдэл төрүүлсэн хайрын дуу бол Lionel Richie хэмээх дуучны Hello юм. Энэ хүний царай төрхийг би өмнө нь We are the World дууны клип дээрээс харж байсан санагдаж байна. Ямартай ч энэхүү гайхалтай хайрын, зөөлөн хэмнэлт дууны үгийг доорх хэлбэрээр, хялбарчилсан байдлаар буулгав. Миний бодолд зөвхөн чи бид хоёр л байдаг Зүүдэндээ би чамайгаа зөндөө үнсдэг Зарим үед манай гэрийн хажуугаар чи минь өнгөрөх шиг Сайн уу? Хайж байгаа хүн тань би мөн үү? Чиний харц, чиний инээмсэглэл надад итгэл найдварыг өгдөг Чи минь миний дэргэд үүрд байгаасай Хэрэв над дээр ирэх болбол би чамайгаа хүлээн авахад бэлэн байна Хэлэх зүйл байвал надад түүнийг нуулгүй дэлгээч Хариуд нь би чамд хайртай болохоо хэлмээр байна Чиний сайхан царайг цаг үргэлж хараад л баймаар Халамж шингэсэн хайрын үгс...

Хөөрхөн кино байна. АНУ-ын телевизийн олон ангит кинонууд ер нь их үзүүштэй, сонирхолтой, сэтгэл татам санагддаг. Магадгүй энэ кино Өмнөд Солонгос улсын телевизийн олон ангит кинотой үйл явдлын хувьд төстэй, ойролцоо, нээг их толгой эргүүлээд байхааргүй зохиолтой байж магадгүй юм. Дэлхий дээр нэг өдөр нэгэн зэрэг 18 сая орчим хүн төрсөн өдрөө тэмдэглэдэг гэнэ. Тэгвэл тус кинонд нэг өдөр төрсөн 3 хүүхэд тус бүрийн амьдрал хэрхэн өрнөж, холбогдох тухай өгүүлнэ. Товчхондоо, нэг гэр бүлийн 3 хүүхдийн тухай. Бага насных нь амьдрал, мөн өдгөө насанд хүрчихээд амьдралд хэрхэн хөлөө олох гээд эсвэл амьдралынхаа утга учрыг хэрхэн олохоо эрж яваа нэг гэр бүлийн 3 хүүхэд. Кэйт болон Кэвин бол ихэр эгч, дүү 2. Рэндал бол өнөөх 2-ыг төрсөн өдөр гудамжнаас олдож, эмнэлэгт хүргэгдсэн, улмаар цагаан гэр бүлд өргөгдсөн өргөмөл хар арьст хүү. Кэйт жингийн илүүдэлтэй, ажилгүй, магадгүй дүү Кэвингээр тэжээгддэг, амьдралдаа сэтгэл хангалуун бус, зорилгогүй эмэгтэй, гэхдээ сайн эгч. Кэвин ...

Иймэрхүү мэдрэмж надад хааяа хааяадаа төрөх юм. Заримдаа таатай, таагүй янз бүр, ер нь цаад хүн ямархуу байх нь таатай, таагүйд нөлөөлдөг. Харин цаад хүн намайг хараад өөрт нь таатай, таагүй санагддаг эсэх дээр би одоо энд нээг их санаагаа зовоомооргүй байна. Хамгийн сүүлд тохиолдсон явдал. Өнөөдөр би ажлаасаа эрт тараад гэртээ орохын өмнө ойр байрлах Номин оров. Тэр дэлгүүрт байдаг тэрэг их сонин. Түүнийг би түрээд гэхүү чирээд явж байв. Гэтэл хүнс болон барааны тасгийг заагласан хэсэг орон зайд нэгэн охин бараа сурталчилж байна уу гэлтэй зогсож байна. Хол байсан болохоор сайн анзаарч харж чадаагүй. Ямартай ч доогуураа сүрхий хар трико, юбка өмссөн байсан. Хэсэг зуур хөгшин стильтэй охин бэ хэмээх зурвас бодолд буух нь тэр, гэхдээ энэ тийм ч ач холбогдолгүй. Би хэдий нүдний шил зүүдэг ч гэлээ тэр шил маань надад таархаа болиод овоо хэдэн сар болоод байгаа, өөрөөр хэлбэл хараа маань улам муудсан гэсэн үг. Тийм учраас хүний царайг барагтаа л олж харахгүй. Ялангуяа ...

Дархан хот. Бид хэд хаанаас ч юм, Дарханаас ч юм шиг Улаанбаатарруу гарч байна. Гэхдээ постон дээр саатаад, ямар нэгэн зүйл шалгуулаад байгаа бололтой. Миний бие сэтгэл нэг л тогтворгүй, тайван бус, боломж гарвал бусадтай маргалдахар бэлэн байв. Энэ их зовиурын шалтгаан нь миний зүүн/баруун гарын эрхий болон долоовор хурууны хоорондох зайд, дээд талд нь үл мэдэгдэх тамга, шивээс сийлэгдсэн явдал байлаа. Арилгахыг хүсэхэд арилахгүй, шивээс юм уу гэхээр хэтэрхий нарийн, нягт хийцтэй, өөрөөр хэлбэл шивэх боломжгүй тийм хар, ягаан хосолсон зүйл. Миний ухаан орж гарах ба ухаан балартах үеэр миний нүдэнд далдын хар хүч, сүнс сүг харагдана. Тэрхүү хар зүйл хүнээс хүний биерүү дураараа дамжиж эргэлдэнэ. Миний энэхүү шаналалыг хэн ч мэдрэхгүй, анзаарахгүй. Гэтэл гэнэт л Дарханы  16 давхарруу ээж, хамаатны ах, эгч 2-тойгоо орох гээд явж байх нь тэр. Бид уг нь 4 давхарт гарах ёстой. Гэтэл би түрүүлээд 30, 40 хэмээн бичигдсэн харанхуй, гэрэлгүй давхарт явж байх нь тэр. Нэг зүйл буру...

Би хоол хийх дуртай ч хүн, дургүй ч хүн. Яг тухайн үед гэдэс цатгалан байвал хоол хийхийг хүсэхгүй, мөн яг тухайн үед өлсөж байвал хоол хийх дуртай хүн эсвэл хэн нэгэнд зориулж хоол хийх үедээ "дуртай" хүн болдог. Хоол хийхэд учир бий. Миний бодлоор жаахан өлсгөлөн байх үедээ хоолыг хийвэл амт, чанарыг нь илүү тохируулж чаддаг юм шиг. Эсрэгээрээ чихэр хүлхэж байх үедээ хийвэл магадгүй хамгийн багадаа давсыг нь ихэсгэх, багасгах тохиолдол гарна. Тийм ч учраас би гэртээ өдөр бүр хоол хийж чаддаггүй байх. Энэ нь залхууралтай холбоотой, мөн дээр дурдсан хүчин зүйлүүдээс ч хамааралтай. Миний хамгийн сайн хийдэг хоол бол будаатай хуурга, гурилтай, гоймонтой, будаатай шөл, хамгийн сүүлд нь цуйван л байна даа. Яагаад ч юм хүн зөвхөн өөрийн гараар хийсэн хоолонд дуртай байдаг юм шиг. Мэдээж, бага байхад айлын хоол л илүү амттай санагддаг байсан мэдрэмж одоог хүртэл байдаг. Ер нь давс, тос багатай хоол хийхийг илүүд үздэг шүү. Эрүүл хооллолт энэ тэр гэж би ярих ду...

Ойрд ажлын ачаалал нэлээн байна шүү. Ер нь л үйлчлүүлэгч, харилцагч нар маань биднийг ийнхүү ажиллаж байгааг бодитоор харж, ойлгох юм бол урам нь хугармаар. Өөр дээрээ жишээ аваад ярьвал, асуудалтай нөхөн төлбөрийн материалууд бүр овоороод, заваарч байна. Нэг тийм юм дутуу гээд л ширээний шургуулганд орхигдоод байгаад л байна, заримдаа хараад л сэтгэлээр унамаар, яаж багасгах вэ гэдэг зүйл сүүлийн үед асуудал болов. Гэхдээ би зовлон тоочмооргүй байна, зүгээр л хараал идсэн амаа хамхиад, хийх ёстой зүйлийнхээ аргыг олоод, гүйцэлдүүлэх хэрэгтэй. Өнөөдөр хөгжилтэй ч гэмээр явдал тохиов. Захиралд хийж буй ажлынхаа нөхцөл байдлыг танилцуулав. Мэдээж нөхцөл байдал тийм ч сайн байгаагүй. Уг нь ажилдаа ороод 4 сар болчихсон байхад захирал намайг шив шинэхэн ажилтан мэт үзэж, хариуцсан менежерт маань надад анхаарал хандуулж байх талаар үг унагасан нь өөрт минь ичмээр ч юм шиг нэг тийм сонин мэдрэмжийг төрүүлсэн. Юу ч мэдэхгүй амьтан аймар лаг ажил хийх гээд ядаад ч байгаа юм шиг, ...

Чи намайг хүснэ үү, хайрлана уу, үзэн ядна уу хамаа алга, би зөвхөн өөрийнхөөрөө л байна гээд МС Болдоогийн хэлдэг шиг юм болоод байна. Казаки гээд японорхуу нэртэй Украйн залуучуудын бүжгийн хамтлаг байнаа. Загвар өмсөгч гэх Энхболд энэхүү дуун дээр ковер хийх хүртэл тус хамтлагийн нэрийг сонсож, өмсдөг гутлыг нь харж байснаас, яг ямархуу дуу дуулдаг талаар ер сонирхож байсангүй. Гэтэл тасархай хамтлаг байжээ. Учир нь тус хамтлагийн бүтээлүүдийг сонирхож эхэлсэн эхний өдрүүдэд "тарсан" тухай мэдээлэл Казакигийн Фэйсбүүк хуудсанд тавигдсан байсан юм. Яг юу нь миний сонирхолыг татсан бэ гэхээр дүрдээ орсон зэвүүн царай, туранхай булчинлаг бие, бүжиглэх ур чадвар, дуулдаг дууных нь жанр, клипний хийц байсан юм. Үнээн үнэн, би өөрөөсөө асуусан, чамд гей талын зүйл илрээд байна уу гэж, гэтэл үгүй л гэж байна. Зүгээр л би тэдэн шиг болохыг дотроо хүссэнийх байж магадгүй юм. Хүмүүс секси энэ тэр гэж ярьдаг даа, тэгвэл тэр секси гэдэг үг чинь эр хүн дээр буухдаа Казаки шиг бай...

АНУ-ын өөрийгөө хамгаалах бэлэн байдлын төлвийг илтгэх DEFCON системээр нэрлэгдсэн тус тоглоом анх 2006 онд Британийн тоглоом хөгжүүлэгч Интровершин Софтвэйр компаниас зах зээлд нийлүүлэгдсэн байна. Стратегийн бөгөөд олон тоглогчийн горимтой тус бүтээл их энгийн зураглалтай. Ажиллуулахад компьютерийн хүчин чадал бага (Windows 98 – 7, 128mb ram, 60 mb space) шаардах ч тоглогчоос багагүй ур чадвар шаардана. За ингээд олон үггүй гол зүйлрүүгээ ороё. Худалдаж авах Бидний мэдэх Steam Store дээр тус бүтээл 0,99 доллараар худалдаалагдаж байна. Зул сар гээд хямдарсан бололтой юм. Бас саунтректэй багц нь ч байсан. Тэр нь 1,29 доллар. Их боломжийн үнэтэй гэсэн үг. Тоглоомыг эхлүүлэх New Game эсвэл Tutorial? Мэдээж хамгийн түрүүнд зааврыг нь туршаад үзэх хэрэгтэй. Тоглоход ашиглах товчлуурууд болон тоглоомны анх харагдах интерфэйстэй зөвхөн эндээс л танилцана. Зарим хүмүүс их яаруу учраас анхны сэтгэгдлээр “зааз, тэнэг тоглоом байна” гэж хэлэгдэх магадлал өндөртэй. Тийм ...

Шинэ ажилдаа ороод хэдийн 3 сар өнгөрчээ. Үндсэн ажилтнаар орж, хөдөлмөрийн гэрээгээ сунгахын тулд Ажлын тайлан гээч зүйл бэлтгэж өгдөг юм байна. (Өмнө нь өөр ажилд байхдаа ийм зүйл бичиж өгдөггүй байлаа. Ажлын үзүүлэлт, ахлах ажилтны саналаар жинхэлдэг байсан санагдаж байна.) Тэрхүү тайландаа Х.Долгион өнгөрсөн 3 сарын хугацаанд юу сурсан, ямар ажил хийж гүйцэтгэсэн, ирээдүйн төлөвлөгөө гээд л бичсэн. Ямартай ч удахгүй гайгүй хариу хүлээн авна хэмээн найдаж байна. Нөхөн төлбөрийн мэргэжилтэн шүү дээ. Мэргэжилтэн гэхээрээ мэргэшсэн нэг хүн болж ойлгогдоод байна л даа. Бас Санхүүгийн салбар, Хуулийн салбар гээд тусдаа. Гэтэл би хуулийн салбарт байх ёстой хүн санхүүрүү гулгаад орчихсон л давхиж явна. Энэ 2 зүйл удахгүй 1 цэг дээр огтлолцож, намайг цэнгэлийн манлайд хүргэх болов уу?

Би дунд ангид байхаасаа камераар зураг авч, видео бичлэг хийн, тэднийг компьютер дээр засварлах сонирхолтой байв. Гэвч өдийг хүртэл гэр бүлийн хүрээнээс илүү хальж, бусдад үзүүлчихмээр бүтээл гэх юм ер хийгээгүй байх юм. Ганц хоёрыг яахав дурдаж болно л доо. Гэхдээ нээрэн бодоод үзсэн чинь байдаггүй юм байна. Миний Youtube суваг дээр хэдэн бичлэг бий. Гэхдээ түүхий буюу засварлаагүй бичлэгүүд ихтэй. Өчигдөр би хэд хоногийн өмнө, амралтынхаа өдрөөр гадуур явахдаа гар утсаар бичиж авсан байсан хэдэн бичлэгээ нийлүүлж, Влог маягийн зүйл хийв. Бас тэрэн дээрээ хөөрхөн Англиар яриад байгаа юм. Тохиолдлын зүйл биш л дээ. Англи хэлийг хэрэглэхгүй бол сурахгүй, мартана шүү дээ. Би ч мартаад олон жил болж байна. Тэгээд гэрт байх нэгэн дүрмийн номыг судлах зуураа ийн бодсон хэрэг. Ер нь цаашид Youtube суваг дээрээ оруулах бичлэгээ дандаа англи дээр хийе. Бусдад таалагдах гэж биш, үзүүлэх гэж биш, зүгээр л өөрөө өөрийнхөө багахаан дурсамжийг камерт буулган хадгалж буй хэрэг. Давхар бас...

Өчигдөр Дарханаас Улаанбаатар орох замдаа ийм зүйл бичээд явж байв. Bi yag odoo awtobusnii hamgiin ariin suudal dr suugaad Ulaanbaatar oroh gd yawj bna. Say naadmaar hed honog saihan amarlaa. Amidral ch saihan bolood ireh shg. Jargaltai bnaa, suidtei sanaa zowood bh zuil alga. Amidral urgelj iimeeree bdag ch boloosoi. Yr ni iim l bh bhaldaa, gehdee tsaash urgeljleh urt udaan amidral dund eldew saad berhsheel garch irehiig aliig ter geh ble. Awtobusand yawahdaa hh ym oldohgui, uuniig utsan dre bicheed l bj bna. Duu sonsloo chih uwduw, tsonhoor baigali harlaa, harsaar zalhaw, mun haluutsaw, nom unshih geheer arai l bish sanagdah ym. Гэтэл төд удалгүй ийм зүйл болсон гэнэ. Baruun haraa unguruud yawj btal awtobus genet zogsow, us ni halsan ch gne uu neg tailbar jolooch helew. Selengiin haalganaas yag hoid tald ni, ugsuur gazar bna. Uuruu yawah ymu eswel hoinoos uur awtobus ireh ymu, medeh zuil odoogoor alga bna.  Хараваас хуучирсан автобус байсан Бүхэл бүтэн 2 ц...

2 жилийн өмнө ийм зүйл бичиж байсан юм байна. Ийнхүү шинэ блогтоо хуулж оруулав. Үүр цайж байна, за босоё доо, босч нүүр, гар, үс, толгойгоо угааж өөрийгөө бэлтгээд, эртхэн ажилдаа явах минь. Өнөөдөр Баасан гараг, өмсөх хувцасны сонголт: Хар хослол, цагаан цамц, хар ногоон ганган зангиа, үсээ гелдээд, сахлаа авчихна. Өглөөний цайндаа өчигдөр хийж үлдээсэн будаатай хуургаа халаачихна, дуртай хар цайгаа чанахаа бас мартаж болохгүй. Аз жаргалтай залуу Цайгаа уунгаа Фэйсбүүк, мэйл хаягаа шалгана. Зурагтаар өчигдөр сонсож амжаагүй сонирхолтой мэдээ гарна, давхар сонсоно. Өө золиг гэж, өглөө эрт 30 минут гадуур гүйхээ мартчихаж, за яахав маргааш хагас сайн өдөр ч гэсэн өглөө эрт гүйнээ, нөхөөд гүйчихнэ хэмээн дотроо бодно. Фитнесд яваад жил гаран болчихсон, бас суугаа ажил хийгээд, хоол, амттан их идсээр жин нэмчихсэн учир дажгүй сайхан бие хаатай болжээ би. За тэр өөрөөрөө бахархах яахав, ажилдаа гарч үзье. Байрны доор гаражинд хагас жилийн өмнө шив ш...

Гэхдээ би компьютер, гар утас, таблет гээд орчин үеийн технологиос бүр мөсөн татгалзаж байгаа юм биш л дээ, зүгээр л гэртээ байсан десктоп компьютерээ байнгын хэрэгцээнд ашиглахгүй байсан учраас зарахаар шийдээд, азтай нэгэн хүнд хямд үнээр худалдсан юм. Сайн санахгүй байна, сая нэг зуун мянга билүү сая гурван зуун мянга орчим төгрөгөөр хагас жилийн өмнө дажгүй үзүүлэлттэй ком. худалдаж авч байсан юм. Энэ чинь бас хөөрхөн хэдэн сарын цалингаас илүүчлэгдэж байж надад ирсэн зүйл юм шүү. Зорилго нь хөөрхий нээх том бишээ, бүр том биш, дундаж үзүүлэлттэй орчин үеийн тоглоом тоглох, 1080HD өндөр нягтралаар веб сайт үзэх, видео үзэх гэсэн "зугаа гаргах" төдий зорилго байсан юм. Одоо бодоход би өөртөө ашиггүй наймааг сэтгэл хөдлөлөөр хийсэн байх юм. Энэ ч яахав, тэгээд тал үнээр нь ч атугай эргүүлж зарая гээд, 700,000 төгрөгөөр худалдав. Өнөө үед технологи маш хурдацтай хөгжөөд, тэр хэрээр үнэ нь маш хурдан уначихдаг болсон үед ийнхүү түргэвчилсэн хэрэг. Миний компьютерийн...

Алаагүй баавгайн арьс юу яасан билээ, эсвэл төрөөгүй хүүхдэд төмөр өлгий гэгчээр миний эргэн тойрны зарим улсууд энэ удаагийн сонгуульд Монгол ардын нам давамгайлж, олон суудал авч байгаатай холбогдуулан тэр хүнд ингэж хэлнэ, тэгэхээр нь би тэгж хариу хэлнэ, ажил асууна гээд л хар залуугаасаа бусдын ул, бөгсийг долоох үйл хэрэгт бахархалтайгаар орж байгааг анзаарсан надад нэг тийм харамсалтай сэтгэгдэл төрлөө. Бид үргэлж шударга бус байдлын талаар ярьдаг хэрнээ цаг нь тулахаар яагаад өөрсдөө тэр зүйлийнхээ нэг хэсэг нь болж, хутгалдаад байдаг юм бэ? Муу явахаараа бурууг бусдад тохдог, шударга бус байдлаар амжилтанд хүрэхээрээ түүнийгээ зөвтгөж, "чадаж байгаа юманд арга байхгүй" хэмээн илэрхийлэх гэдэг сэтгэхүйтэй хүмүүс бидний дунд бага гэлтгүй бий болжээ. Залуу хүн байж нам дагавал ам тосдоно гэдэг үгэнд итгэчихсэн, өөртөө бус бусдад найдаж, ирээдүйгээ тодорхойлдог ядуу сэтгэхүй бидэнд байх ёсгүй. Улс төр бол новш, түүнээс хол бай гэх гэсэнгүй. Гэхдээ өө...

Сэтгэлийн эм гэх үү, сэтгэлд дэм өгдөг зүйл гэх үү, ийм олон зүйл бий л дээ. Гэхдээ энд би дуу хөгжмийн талаар онцолж бичие гэж бодлоо. Заримдаа яагаад ч юм дуртай дуугаа сайхан ч бай, муу ч бай дагаад дуулчихаар сэтгэл санаа сэргээд ирэх нь бий. Тэгэхээр дуу хөгжим бол дээр дурдсан эхний зүйл бараг л мөн юмдаа. Ядаж байхад хажууд нэг хүн гонгиноод байх юм, тэр хүнд сайхан байгаа ч надад яг одоо таагүй л санагдаж байна. За энэ яахав, анх би хэдэн настайдаа, ямар дууг сонссоноо бол санахгүй байна. Бодвол өлгийтэй байхад минь ээж надад Бүүвэй бүүвэй гээд дуу дуулж өгдөг байсан болов уу. Дараагаар нь тэгээд цэцэрлэгээс Маамуу нааш ир, Чамайг аавдаа хэлнэ дээ гээд л олон дуу дуулж сурсан байх. Ер нь би өөрийгөө хөгжимтэй ойр өссөн хүн гэж боддог. Одоо ч гэсэн байнга хөгжим, элдэв төрлийн хөгжим... Зургийг Rt22.ru гэх Оросын сайтаас авав Манай гэрт Sharp гэсэн магнитофон/хөгжим байдаг байлаа. Одоо ч хуучин гэрт байгаа л даа. Тэр нь кассет тоглуулагчтай, фм-ээс дуу бичигчтэй. Б...

Хүн бүрт л сайн болон муу зан эсвэл тал гэх юмуу зүйл байдаг. Сүүлийн үед надад, өөрт минь ихэд мэдрэгдээд байгаа зүйл бол аливааг дутуу уншаад орхих явдал. Би ном унших сонирхолтой. Гоё хавтастай, сонирхолтой гарчигтай, бас агуулга нь сонирхолтой санагдвал нээг их юм шалгаж, шалгаалгүй худалдаад авчихдаг. Тэгээд авсан хойноо бүрэн уншилгүй орхичих нь бий. Ямар сайндаа энэ талаар ийнхүү бичээд сууж байх вэ дээ. Бодоод үзвэл, надад яг одоо байгаа нийт номны бараг 40-50 орчим хувь нь бүрэн гүйцэт уншигдаагүй байх шүү. Үүнд л жаахан харамсаж явна. Мэдэхгүй, номыг тэр дор нь уншиж амжихгүй байгаад байна уу, тэгээд 1, 2 хоног алгасчихаар сонирхол нь буураад байна уу. Тэгэхээр би эдгээр дутуу гэсэн номнуудаа, мэдээж бас өөрт хэрэгтэй гэсэн номнуудаа нэн түрүүнд уншиж дуусгах хэрэгтэй юм байна шүү гэдгээ дахин дахин өөртөө ойлгуулахыг хичээж байна.

Би нийтийн тээврээр үйлчлүүлдэг. Зорчих картаа цэнэглээгүй байх зарим тохиолдолд өөрт байх бүхэл мөнгийг яаж задлуулах талаар хэсэгтээ л бодол болно. Учир нь ихэнх үйлчилгээний газрууд ямар нэгэн бараа тэндээс нь авахгүй л бол мөнгө задлах сонирхолгүй байдаг шүү дээ. Тэгээд яарч явах үедээ 1000 төгрөгөөр нийтийн тээврээр үйлчлүүлж л байлаа. Өнөөдөр бас яг ийм явдал тохиолдов. Ажлаасаа хоцорчих гээд, юун мөнгө задлуулах, карт цэнэглэх газар хайж явах. Аз болж 1000 төгрөг халаасанд байж тараад, түүнийгээ урьдын адил автобусанд орж ирээд л мөнгөний савруу хийчихэв, хариулт авах гэж хүлээсэнгүй. Зарим хүмүүс энэ тохиолдолд 500 төгрөг барьж орж ирэх хүнийг хүлээгээд үүдэнд нь зогсчихдог. Харин би тэгэх дургүй. Хаха, баян мөнгөтэйдөө биш, гэхдээ нийтийн тээврээр үйлчлүүлэх үнэ нь 500 төгрөг, хариулт өгөх боломжгүй гэдгийг нь мэдсээр байж албатай юм шиг орж ирчихээд хаалга үүд таглаж зогсоод, бусдаас мөнгө нэхээд байх нь тухайн хүний цэвэр хариуцлагагүйн шинж, илрэл гэж үздэг юм....

Цаадах чинь сүүлийн үед амьдралын талаар ихэд эргэцүүлж боддог болсон. Ер нь ихэвчлэн тэгээд өөрийнхөө одоогийн нөхцөл байдлын тухай, ирээдүйн тухай. Магадгүй хүмүүс намайг хулчгар аймхай гэх байх. Учир нь би хааяа мөнхөд хүүхдээрээ байх юмсан, хүүхэд насандаа эргэж очих юмсан гэж хүсдэг. Гэвч энэ нь мэдээж боломжгүй зүйл шүү дээ. Тиймээс насанд хүрсэн би "ирээдүйн", "нийгмийн өмнө өндөр хариуцлага хүлээсэн" амьдралаас зугтах аргагүй, тэмцэх хэрэгтэй болно. 1-2 сарын хугацаанд хамгаас хайртай хүнтэйгээ, эсвэл хүмүүстэйгээ цуг олон орноор, эрх чөлөөтэй, санаа зовох зүйлгүйгээр, дураараа аялаж байна гээд дотроо төсөөлдөө. Хүн бүр өөр өөрийн гэсэн амьдралын арга барилтай. Жишээ нь өнөөдрийн би ихэд бодно, ямар нэгэн алдартай, амжилтанд хүрсэн хүмүүсийн яриа лекцийг сонсоно, дуу хөгжим сонсоно, бас аав, ээж, дүү гэсэн хүмүүс хоорондын, одоогийн гэр бүлийнхээ харилцааг ямар нэгэн үл ойлголцолгүй, эрүүл байлгахыг илүүд үздэг. Ийм байхад өөр илүү зүйлд надад сан...